Прэзідэнт Беларусі павіншаваў работнікаў і ветэранаў органаў дзяржкантролю з прафесійным святам

Прэзідэнт Беларусі Аляксандр Лукашэнка павіншаваў работнікаў і ветэранаў органаў дзяржаўнага кантролю з прафесійным святам. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы адзначыў, што забеспячэнне эканамічнай бяспекі краіны, маніторынг сацыяльна-эканамічнага развіцця і эфектыўнага выкарыстання дзяржаўных сродкаў, абарона правоў грамадзян з’яўляюцца непахіснымі прыярытэтамі ў дзейнасці Камітэта дзяржаўнага кантролю.

“Ваша штодзённая праца – гэта сапраўднае служэнне Радзіме на прынцыпах найвышэйшай самааддачы, аб’ектыўнасці і законнасці, – падкрэсліў Аляксандр Лукашэнка. – Задачы, якія стаяць перад ведамствам, патрабуюць прадуманых і ўзважаных дзеянняў, захавання аптымальнага балансу інтарэсаў дзяржавы і суб’ектаў гаспадарання”. 

Прэзідэнт упэўнены, што лепшыя традыцыі, закладзеныя ветэранамі, прафесійныя веды і вопыт, укараненне прагрэсіўных тэхналогій, актыўная работа па прафілактыцы эканамічных і карупцыйных злачынстваў і ў далейшым будуць надзейнай гарантыяй вырашэння важных для эканомікі Беларусі пытанняў.

Аляксандр Лукашэнка пажадаў усім моцнага здароўя, дабрабыту і невычэрпнай энергіі для дасягнення новых прафесійных вынікаў.

Крыніца: minsk-region.gov.by