Лясная гаспадарка

Дзяржаўная доследная лесагаспадарчая ўстанова «Вілейскі доследны лясгас»

Дзяржаўная доследная лесагаспадарчая ўстанова «Вілейскі доследны лясгас» Мінскага дзяржаўнага вытворчага лесагаспадарчага аб’яднання (далей – лясгас) арганізавана ў кастрычніку 1939 года з былых памешчыцкіх і казённых лясоў і размешчана ў паўночна-заходняй частцы Мінскай вобласці на тэрыторыі Вілейскага (98,3%), Мядзельскага (1,1%), Лагойскага (0,2%), Маладзечанскага (0,2%) і Смаргонскага раёна Гродзенскай вобласці (0,2%). На поўначы лясгас мяжуе з ДПУ «НП «Нарачанскі», на захадзе са Смаргонскім доследным лясгасам, на ўсходзе з Лагойскім лясгасам, на паўднёвым усходзе з ДЛГУ «Краснасельскае», на паўднёвым захадзе з Маладзечанскім лясгасам. Працягласць лясгаса з поўначы на поўдзень складае 57 км, з усходу на захад 60 км. Плошча лясгаса складае 96041,9 га, пакрытыя лесам землі 86848,5 га. Асноўнымі лесаўтваральнымі пародамі з’яўляюцца: сасна – 65,9%, бяроза – 16,7%, елка – 11,2%. Лесістасць раёна складае 40,2 %. Сярэдні ўзрост насаджэнняў 64 гады. Агульны запас насаджэнняў – 21999,3 тыс.м3. Узроставая структура насаджэнняў:маладнякі-17 %, сярэднеўзроставыя-29,6%, прыспелыя-30,1%, спелыя-23,3%.

У склад лясгаса ўваходзяць 10 лясніцтваў (Вілейскае доследна-вытворчае, Вязынскае, Іжскае, Ільянскае, Касцяневіцкае, Курэнецкае, Любанскае, Нарачанскае, Прыгарадное, Старынкаўскае), ПМУ «Рэчкі», лесапункт, вытворчы ўчастак па вытворчасці, захоўванні трэскі і пагрузцы вагонаў. Колькасць працуючых 436 чалавек.

Асноўнымі напрамкамі дзейнасці прадпрыемства з’яўляюцца: вядзенне лясной гаспадаркі, нарыхтоўка і перапрацоўка драўніны, пабочнае карыстанне ляснымі рэсурсамі, вытворчасць пасадачнага матэрыялу, аказанне спектру паслуг насельніцтву і арганізацыям.

На тэрыторыі Курэнецкага лясніцтва размешчаны базісны лясны гадавальнік плошчай 27,7 га. Тут вырошчваецца пасадачны матэрыял для аднаўлення лясоў хвойных і лісцевых парод. Таксама тут рэалізуюцца дэкаратыўныя расліны насельніцтву і юрыдычным асобам для добраўпарадкавання тэрыторый і прысядзібных участкаў.

На тэрыторыі чатырох лясніцтваў размешчана лесапаляўнічая гаспадарка лясгаса, якая была ўтворана ў 1968 годзе. Плошча паляўнічых угоддзяў – 53,6 тыс.га, з іх лясных – 29,9 тыс.га, палявых – 22 тыс. га, водна-балотных – 1,7 тыс. га. Асноўнымі відамі жывёл з’яўляюцца: лось, казуля, алень, глушэц, цецярук, бабёр, заяц. Праводзяцца паляванні на капытных (лось, казуля, алень), пушных жывёл і птушак.

Ва ўрочышчы Доманава, на маляўнічым беразе ракі Вілія размешчаны паляўнічы комплекс Доманава, акружаны сасновым лесам. Побач маецца прыродная крыніца. Да паслуг наведвальнікаў камфартабельныя двух- і трох-мясцовыя гатэльныя нумары для пражывання, домік для ўрачыстасцей умяшчальнасцю да 60 чал для правядзення карпаратыўных сустрэч, банкетаў, урачыстасцей, дзён нараджэнняў і іншых святаў. Маецца лазня з басейнам, більярд, тэнісны корт, альтанкі, мангал для прыгатавання шашлыкоў. На пракат зімой можна ўзяць лыжы, летам веласіпед. За даведкамі звяртацца па тэлефоне

+375 (33) 324-84-31.

Лясгас прапануе паслугі для адпачынку на Слабадскім возеры. Магчыма карыстанне месцамі, абсталяванымі для рыбнай лоўлі, пражыванне ў чатырохмясцовым вагон-доміку, катанне на катамаране або лодцы, лазня.

Арганізаваны сплавы на байдарках па рацэ Нарачанка і Узлянка.

Дадатковую інфармацыю можна атрымаць па тэлефоне

+375 (01771) 4-11-33.

Прамысловая дзейнасць лясгаса развіваецца па двух напрамках:

лесанарыхтоўкі;

дрэваперапрацоўка.

Прыярытэтнае значэнне надаецца лесанарыхтоўчай дзейнасці, доля якой у агульным аб’ёме вытворчасці складае 70 %. У дрэваперапрацоўцы найбольшую ўдзельную вагу займаюць піламатэрыялы.

Лясгас рэалізуе:

лесаматэрыялы;

піламатэрыялы неабрэзныя і абрэзныя;

абшыўку;

трэску паліўную;

дровы;

мятлу гаспадарчую;

венік лазневы;

елку навагоднюю (напярэдадні Новага года);

мёд (у сезон);

бярозавы сок (у сезон);

саджанцы дэкаратыўных парод (у гадавальніку).

Адрас: 220410, Мінская вобласць, г. Вілейка, вул. Стаханаўская,221

Кантактныя тэлефоны:

8 (01771) 2-22-55 (дырэктар),

тэл./факс: 8 (01771) 2-22-50 (прыёмная).

E-mail: vlk-forestry@mail.ru

Падрабязную інфармацыю аб Вілейскім доследным лясгасе, пераліку прадукцыі, што выпускаецца, і цэнах можна даведацца на сайце: http://www.lesvilia.by.