19.08.2026 (абноўлена: 25.09.2026)

Ахова гісторыка-культурнай спадчыны

Гісторыка-культурная спадчына Вілейскага раёна складаецца з 337 нерухомых матэрыяльных аб’ектаў: з іх 208 – помнікаў гісторыі, 57 – архітэктуры, 51 – археалогіі, 21 – прыроды.

Помнік архітэктуры «Рэшткі былой сядзібы «Двор Стайкі»

(фрагменты парку, фрагменты воднай сістэмы, гаспадарчыя пабудовы – рэшткі склепа, стайні, току)

у в. Стайкі Вілейскага раёна Мінскай вобласці

Помнік архітэктуры «Рэшткі былой сядзібы «Двор Стайкі» знаходзіцца на паўночным усходзе ад вёскі Стайкі. У яго склад уваходзяць шэсць аб’ектаў: фрагменты воднай сістэмы, фрагменты парку, рэшткі падвала, стайні, току і будынак былой вінокурні.

Маёнтак вядомы з першай паловы XVIII ст. Двор будаваўся, па ўспамінах сваякоў, Тадэвушам Багдановічам (унукам першага ўласніка Севасціяна Багдановіча-Дварэцкага). Апошнія пераўтварэнні ў сядзібе звязаны з Янам Багдановічам (1870 – 1909 гг.) і яго сынам ротмістрам Міхаілам (1903 – 1946 гг.).

У сядзібу вядуць дзве пад’язныя алеі. Адна з іх цэнтральная (у асноўным кляновая) пракладзена з боку в. Мацькаўцы (часткова захавалася). Уезд быў зафіксаваны брамай – два цагляныя пілоны з драўлянымі варотамі. Злёгку выгінаючыся, дарога перасякала пладовы сад з добрай ахоўнай пасадкай клёна, ліпы і ў вялікай колькасці глогу выходзіла на парадны двор.

Другі ўезд, аформлены рабінай звычайнай, ішоў з усходняга боку. Ён быў больш насычаны акцэнтамі. Асноўным акцэнтам паўночнай перспектывы быў касцёл у Альковічах.

Разліковы рахунак для пералічэння сродкаў для рэстаўрацыі і аднаўлення аб’ектаў спадчыны

Разліковы рахунак № BY57 AKBB 3641 0632 0006 5610 0000

БІК AKBBBY21601

у ЦБУ № 632 філіяла № 601 ААТ «АСБ Беларусбанк»

г. Маладзечна код 769

УНП 600011063

АКПА 04064600

Кодэкс Рэспублікі Беларусь аб культуры

Пастанова Міністэрства культуры Рэспублікі Беларусь ад 28 снежня 2016 г. №89 “Аб устанаўленні форм пашпарта матэрыяльнай гісторыка-культурнай каштоўнасці і ахоўнай дошкі і прызнанні страціўшымі сілу некаторых пастаноў Міністэрства культуры Рэспублікі Беларусь”

Пастанова Міністэрства культуры Рэспублікі Беларусь ад 28 снежня 2016 г. №90 “Аб устанаўленні формы ахоўнага абавязацельства”

Дзяржаўны спіс гісторыка-культурных каштоўнасцей Рэспублікі Беларусь

Зборнік інфармацыйна-метадычных матэрыялаў па ахове гісторыка-культурнай спадчыны Беларусі