Вілейская раённая арганізацыя Беларускага Таварыства Чырвонага Крыжа

Вілейская раённая арганізацыя Беларускага таварыства Чырвонага Крыжа.

Адрас: г.Вілейка, вул. Талстога, 55

Тэлефон: 801177132853

Старшыня: Лях Святлана Іосіфаўна

Электронны адрас: kr.krestvileyka@tut.by

Вілейская РА БТЧК у сваёй рабоце кіруецца 7 прынцыпамі: гуманнасць, бесстароннасць, нейтральнасць, незалежнасць, добраахвотнасць, адзінства, універсальнасць.

Вілейская РА налічвае 12 першасных арганізацый БТЧК. Колькасць членаў першасных арганізацый складае 1538 чалавек.

Адным з найважнейшых напрамкаў з’яўляецца валанцёрская дзейнасць. Вілейская РА БТЧК налічвае 111 валанцёраў.

Каардынуе работу раённай арганізацыі Прэзідыум у склад якога ўваходзіць 11 чалавек. Старшыня Прэзідыума – Касцевіч Марына Генадзеўна.

Асноўныя напрамкі дзейнасці:

• прасоўванне ідэй Руху Чырвонага Крыжа;
• аказанне дапамогі і падтрымкі сацыяльна ўразлівым катэгорыям насельніцтва і грамадзянам, якія апынуліся ў цяжкай жыццёвай сітуацыі;
• прапаганда здаровага ладу жыцця;
• развіццё валанцёрскага руху;
• правядзенне работы па зборы ахвяраванняў і членскіх узносаў ад насельніцтва і юрыдычных асоб з мэтай выканання фінансавага плана.

Удзел у рэспубліканскіх акцыях «Скора ў школу», «Клопат», «Гарачае лета», «Халодная зіма», «Нашы дзеці» і рэалізацыя мерапрыемстваў у рамках Месячніка Чырвонага Крыжа; удзел у многіх спартыўна-масавых і культурна-масавых мерапрыемствах, якія праводзяцца ў горадзе і раёне, работа над рэалізацыяй міжнародных праектаў, накіраваных на аказанне канкрэтнай дапамогі і падтрымкі сацыяльна ўразлівых катэгорый насельніцтва.

Па выніках 2017 года валанцёрская група ўзнагароджана дыпломам за перамогу ў абласным конкурсе валанцёрскіх ініцыятыў у намінацыі «Лепшая валанцёрская група трэнераў па метадзе «роўны-роўнаму» па процідзеянні гандлю людзьмі».

Праводзяцца дабрачынныя канцэрты ў рамках марафону «Дзеці супраць раку» пад дэвізам: «Дапаможам ім жыць».

Аказваецца дапамога і падтрымка перасяленцаў з Луганскай і Данецкай абласцей Украіны.

У рамках выканання дзяржаўнага сацыяльнага заказу, які фінансуецца шляхам прадастаўлення не дзяржаўным не камерцыйным арганізацыям субсідый на аказанне сацыяльных паслуг непрацаздольным грамадзянам аказваецца медыка-сацыяльная дапамога і сацыяльна-бытавыя паслугі.

Галерэя выяў