Парадак падачы зваротаў у Вілейскі раённы выканаўчы камітэт

Звароты грамадзян, у тым ліку індывідуальных прадпрымальнікаў, і юрыдычных асоб могуць быць пададзены ў Вілейскі раённы выканаўчы камітэт пасродкам:

падачы пісьмовых зваротаў:

• па пошце (паштовы адрас: вул. Партызанская, 40, 222410, г. Вілейка, Мінская вобласць);
• асабіста, нарочным (курьерам) штодзённа па рабочых днях з 8.00 да 8.30 – у прыёмную старшыні райвыканкама (каб. № 29), штодзённа па рабочых днях з 8.30 да 13.00 і з 14.00 да 17.30 – у сектар па рабоце са зваротамі грамадзян і юрыдычных асоб райвыканкама (каб. № 9);
• у ходзе асабістага прыёму кіраўніцтва райвыканкама;

падачы электронных зваротаў у дзяржаўную адзіную (інтэграваную) рэспубліканскую інфармацыйную сістэму ўліку і апрацоўкі зваротаў грамадзян і юрыдычных асоб пасродкам інтэрнэт-рэсурсу звароты.бел;

выкладання вусных зваротаў у ходзе асабістага прыёму кіраўніцтва райвыканкама;

зваротаў на прямую тэлефонную лінію райвыканкама кожную суботу з 9.00 да 12.00 па тэлефоне +375 1771 4-22-01.

У адпаведнасці з Законам Рэспублікі Беларусь ад 18 ліпеня 2011 г. № 300-З «Аб зваротах грамадзян і юрыдычных асоб» звароты падаюцца заяўнікамі на беларускай або рускай мове.

Пісьмовыя і электронныя звароты грамадзян, у тым ліку індывідуальных прадпрымальнікаў, павінны змяшчаць:

• найменне арганізацыі альбо пасаду асобы, якой накіраваны зварот;
• прозвішча, уласнае імя, імя па бацьку (калі такое маецца) альбо ініцыялы грамадзяніна;
• адрас яго месца жыхарства (месца знаходжання);
• выкладанне сутнасці звароту;
• асабісты подпіс грамадзяніна (грамадзян) (для пісьмовых зваротаў).

Пісьмовыя і электронныя звароты юрыдычных асоб павінны змяшчаць:

• найменне арганізацыі альбо пасаду асобы, якой накіраваны зварот;
• поўнае найменне юрыдычнай асобы і яе месца знаходжання;
• выкладанне сутнасці звароту;
• прозвішча, уласнае імя, імя па бацьку (калі такое маецца) альбо ініцыялы кіраўніка або асобы, упаўнаважанай ва ўстаноўленым парадку падпісваць звароты;
• асабісты подпіс кіраўніка або асобы, упаўнаважанай ва ўстаноўленым парадку падпісваць звароты (для пісьмовых зваротаў).

Тэкст звароту павінен паддавацца прачытанню. Рукапісныя звароты павінны быць напісаны чёткім, разборлівым почыркам. Не дапускаецца ўжыванне ў зваротах нецэнзурных або абразлівых слоў ці выразаў.

Да пісьмовых зваротаў, якія падаюцца прадстаўнікамі заяўнікаў, дадаюцца дакументы, што пацвярджаюць іх паўнамоцтвы.

Да электронных зваротаў, якія падаюцца прадстаўнікамі заяўнікаў, павінны дадавацца дакументы ў электронным выглядзе, што пацвярджаюць іх паўнамоцтвы.

У зваротах павінна змяшчацца інфармацыя аб выніках іх папярэдняга разгляду з дадаткам (пры наяўнасці) дакументаў, якія пацвярджаюць гэту інфармацыю.

Звяртаем увагу! У адпаведнасці з артыкулам 2 Закона Рэспублікі Беларусь ад 18 ліпеня 2011 г. № 300-З «Аб зваротах грамадзян і юрыдычных асоб» дзеянне ўказанага Закона распаўсюджваецца на звароты грамадзян і юрыдычных асоб, у тым ліку якія паступілі ад юрыдычных асоб, на якія ўскладзены функцыі рэдакцый сродкаў масавай інфармацыі, за выключэннем зваротаў, якія падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім заканадаўствам, заканадаўствам аб грамадзянскім судаводстве, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах, зваротаў работніка да наймальніка, а таксама іншых зваротаў, у дачыненні да якіх заканадаўчымі актамі ўстаноўлены іншы парадак іх падачы і разгляду, таксама дзеянне Закона не распаўсюджваецца на перапіску дзяржаўных органаў пры выкананні імі функцый, ускладзеных на іх нарматыўнымі прававымі актамі.