Пералік дакументаў, якія прадстаўляюцца для дзяржаўнай рэгістрацыі, пастаноўкі на ўлік арганізацыйных структур грамадскіх аб’яднанняў, палітычных партый

Для дзяржаўнай рэгістрацыі, пастаноўкі на ўлік арганізацыйнай структуры аб’яднання ў месячны тэрмін з дня ўтварэння дадзенай структуры прадстаўляюцца наступныя дакументы:

• заява аб дзяржаўнай рэгістрацыі або заява аб пастаноўцы на ўлік па формах 1 або 2, падпісаныя кіраўніком кіруючага органа аб’яднання або іншай асобай, упаўнаважанай на тое ў адпаведнасці са статутам аб’яднання;
• рашэнне органа аб’яднання аб стварэнні арганізацыйнай структуры аб’яднання, у якім павінна быць указана, ці надзяляецца арганізацыйная структура аб’яднання правамі юрыдычнай асобы;
• спісы членаў выбарных органаў арганізацыйнай структуры аб’яднання з указаннем іх пасад у гэтых органах па форме, прадугледжанай для выбарных органаў аб’яднання;
• дакумент, які пацвярджае наяўнасць юрыдычнага адрасу арганізацыйнай структуры аб’яднання (гарантыйны ліст і (або) іншы дакумент, які пацвярджае права на размяшчэнне кіруючага органа арганізацыйнай структуры аб’яднання па ўказаным у дакуменце адрасе ў выпадку яе пастаноўкі на ўлік або дзяржаўнай рэгістрацыі ва ўстаноўленым парадку);
• плацежны дакумент, які пацвярджае ўплату дзяржаўнай пошліны (за выключэннем выпадкаў вызвалення ад яе ўплаты, прадугледжаных заканадаўчымі актамі)