Льготнае крэдытаванне

Ільготныя крэдыты на набыццё хатняй маёмасці і тавараў першай неабходнасці прадастаўляюцца выпускнікам дзяржаўных вышэйшых, сярэдніх спецыяльных навучальных устаноў, накіраваным і прыступіўшым да працы па размеркаванні не па месцы жыхарства бацькоў, у арганізацыях, якія фінансуюцца з бюджэту, сельскагаспадарчых арганізацыях, на працягу двух гадоў пасля заканчэння гэтых навучальных устаноў.

Крэдыт прадастаўляецца ў адпаведнасці са спісамі, зацверджанымі гарадскімі, раённымі (раённымі ў гарадах) выканаўчымі і распарадчымі органамі па месцы працы выпускнікоў навучальных устаноў, накіраваным і прыступіўшым да працы па размеркаванні не па месцы жыхарства бацькоў, у арганізацыях, якія фінансуюцца з бюджэту, сельскагаспадарчых арганізацыях, на працягу двух гадоў пасля заканчэння гэтых навучальных устаноў. Ільготныя крэдыты прадастаўляюцца ў памеры да 15-кратнага памеру бюджэту пражытачнага мінімуму ў сярэднім на душу насельніцтва, зацверджанага на дату выдачы крэдыту, тэрмінам да 5 гадоў.

Выдача ільготнага крэдыту праводзіцца ў беларускіх рублях у безнаяўнай форме. Права на атрыманне ільготнага крэдыту можа быць выкарыстана выпускніком навучальнай установы адзін раз на працягу двух гадоў пасля заканчэння навучальнай установы. У пералік тавараў на набыццё хатняй маёмасці ўваходзіць: мэбля, халадзільнік, тэлевізар, газавая або электрычная пліта, пральная машына, кухонная машына, электрачайнік, пыласос, мікрахвалёвая печ, камп’ютар, манітор.

---

УКАЗ ПРЭЗІДЭНТА РЭСПУБЛІКІ БЕЛАРУСЬ 27 лістапада 2000 г. N 631 “АБ ДАДАТКОВЫХ МЕРАХ ПА ПАВЫШЭННІ ЗАРАБОТНАЙ ПЛАТЫ І ПРАДАСТАЎЛЕННІ ІЛЬГОТНЫХ КРЭДЫТАЎ АСОБНЫМ КАТЭГОРЫЯМ ГРАМАДЗЯН

(у рэд. Указаў Прэзідэнта Рэспублікі Беларусь ад 03.01.2002 N 4, ад 14.09.2004 N 447, ад 27.03.2007 N 147)

З мэтай павышэння жыццёвага ўзроўню работнікаў арганізацый, якія фінансуюцца з бюджэту і карыстаюцца дзяржаўнымі дотацыямі, а таксама ўзмацнення матэрыяльнай падтрымкі выпускнікоў дзяржаўных устаноў, якія забяспечваюць атрыманне сярэдняй спецыяльнай і вышэйшай адукацыі, і ўстаноў спажывецкай кааперацыі, якія забяспечваюць атрыманне сярэдняй спецыяльнай і вышэйшай адукацыі, накіраваных на працу (для праходжання службы) не па месцы жыхарства бацькоў або ў раёны, якія пацярпелі ад катастрофы на Чарнобыльскай АЭС, незалежна ад месца жыхарства бацькоў, у арганізацыі, якія фінансуюцца з бюджэту, воінскія часці, органы ўнутраных спраў, органы і падраздзяленні па надзвычайных сітуацыях, арганізацыі спажывецкай кааперацыі і сельскагаспадарчыя арганізацыі <*>, пастанаўляю:

(у рэд. Указаў Прэзідэнта Рэспублікі Беларусь ад 03.01.2002 N 4, ад 14.09.2004 N 447, ад 27.03.2007 N 147)
——————————-
<*> Да сельскагаспадарчых арганізацый адносяцца арганізацыі, асноўным відам дзейнасці якіх з’яўляецца вырошчванне (вытворчасць або вытворчасць і перапрацоўка) сельскагаспадарчай прадукцыі, а таксама філіялы або іншыя адасобленыя падраздзяленні іншых арганізацый, якія ажыццяўляюць прадпрымальніцкую дзейнасць па вытворчасці або па вытворчасці і перапрацоўцы сельскагаспадарчай прадукцыі.

(зноска ўведзена Указам Прэзідэнта Рэспублікі Беларусь ад 27.03.2007 N 147)

1. Павысіць з 1 снежня 2000 г. тарыфныя стаўкі (аклады) работнікаў арганізацый, якія фінансуюцца з бюджэту і карыстаюцца дзяржаўнымі дотацыямі, тарыфікуемых 1 – 22-м разрадамі Адзінай тарыфнай сеткі работнікаў Рэспублікі Беларусь, за выключэннем работнікаў арганізацый адукацыі, культуры, мастацтва, навукі, якім павышэнне тарыфных ставак (акладаў) прадугледжана ўказамі Прэзідэнта Рэспублікі Беларусь і пастановамі Савета Міністраў Рэспублікі Беларусь.

2. Прадастаўляць выпускнікам дзяржаўных устаноў, якія забяспечваюць атрыманне сярэдняй спецыяльнай і вышэйшай адукацыі, і ўстаноў спажывецкай кааперацыі, якія забяспечваюць атрыманне сярэдняй спецыяльнай і вышэйшай адукацыі, якія прыступілі да працы па размеркаванні (накіраваным для праходжання службы) не па месцы жыхарства бацькоў або ў раёнах, якія пацярпелі ад катастрофы на Чарнобыльскай АЭС, згодна з зацвярджальным Урадам Рэспублікі Беларусь Пералікам тэрыторый (населеных пунктаў і іншых аб’ектаў), якія адносяцца да зон радыеактыўнага забруджвання, незалежна ад месца жыхарства бацькоў, у арганізацыях, якія фінансуюцца з бюджэту, воінскіх часцях, органах унутраных спраў, органах і падраздзяленнях па надзвычайных сітуацыях, арганізацыях спажывецкай кааперацыі і сельскагаспадарчых арганізацыях, ільготныя крэдыты на працягу двух гадоў пасля заканчэння гэтых навучальных устаноў на набыццё хатняй маёмасці (мэбля, халадзільнік, тэлевізар, газавая або электрычная пліта, пральная машына) і тавараў першай неабходнасці (адзенне, абутак, набор пасцельнай бялізны, посуд).
(у рэд. Указаў Прэзідэнта Рэспублікі Беларусь ад 03.01.2002 N 4, ад 14.09.2004 N 447, ад 27.03.2007 N 147)

3. Устанавіць, што:

3.1. ільготныя крэдыты ў адпаведнасці з гэтым Указам прадастаўляюцца адкрытым акцыянерным таварыствам “Ашчадны банк “Беларусбанк” у памеры да 15-кратнага бюджэту пражытачнага мінімуму ў сярэднім на душу насельніцтва, зацверджанага на дату выдачы крэдыту, тэрмінам да 5 гадоў з выплатай за карыстанне імі 25 працэнтаў стаўкі рэфінансавання Нацыянальнага банка Рэспублікі Беларусь;

3.2. пагашэнне запазычанасці па ільготных крэдытах і выплата працэнтаў за карыстанне імі ажыццяўляюцца карыстальнікамі крэдытаў па заканчэнні 6 месяцаў з дня іх выдачы роўнымі долямі на працягу ўсяго перыяду пагашэння;

3.3. ільготныя крэдыты прадастаўляюцца па спісах, зацверджаных раённымі, гарадскімі, раённымі ў гарадах выканаўчымі і распарадчымі органамі, на падставе хадайніцтваў арганізацый, якія фінансуюцца з бюджэту, а таксама воінскіх часцей, органаў унутраных спраў, органаў і падраздзяленняў па надзвычайных сітуацыях, арганізацый спажывецкай кааперацыі і сельскагаспадарчых арганізацый, у якіх працуюць (праходзяць службу) выпускнікі дзяржаўных устаноў, якія забяспечваюць атрыманне сярэдняй спецыяльнай і вышэйшай адукацыі, і ўстаноў спажывецкай кааперацыі, якія забяспечваюць атрыманне сярэдняй спецыяльнай і вышэйшай адукацыі. (у рэд. Указаў Прэзідэнта Рэспублікі Беларусь ад 03.01.2002 N 4, ад 14.09.2004 N 447, ад 27.03.2007 N 147) Зацверджаныя спісы ў месячны тэрмін з даты іх зацвярджэння прадстаўляюцца ў адкрытае акцыянернае таварыства “Ашчадны банк “Беларусбанк”.

3.4. кампенсацыя адкрытаму акцыянернаму таварыству “Ашчадны банк “Беларусбанк” страт за перыяд карыстання грамадзянамі ільготнымі крэдытамі ажыццяўляецца ў памеры розніцы паміж стаўкай рэфінансавання Нацыянальнага банка, якая склалася ў справаздачным перыядзе, павялічанай на маржу, але не больш за тры працэнты гадавых, і стаўкай працэнтаў па прадастаўленых ільготных крэдытах. (пп. 3.4 уведзены Указам Прэзідэнта Рэспублікі Беларусь ад 27.03.2007 N 147)

4. Утварыць у рэспубліканскім бюджэце, бюджэтах абласцей і г.Мінска стабілізацыйныя фонды для акумулявання ў іх сродкаў, прызначаных для павышэння аплаты працы работнікаў арганізацый, якія фінансуюцца з бюджэту і карыстаюцца дзяржаўнымі дотацыямі.

Устанавіць, што сродкі, якія атрымліваюцца ў выніку перавышэння даходаў і эканоміі расходаў рэспубліканскага бюджэту, бюджэтаў абласцей і г.Мінска, накіроўваюцца ў названыя стабілізацыйныя фонды.

5. Савету Міністраў Рэспублікі Беларусь:

5.1. прыняць неабходныя меры па выкананні гэтага Указа;

5.2. на працягу 2001 года забяспечыць паэтапнае павышэнне аплаты працы работнікаў арганізацый, якія фінансуюцца з бюджэту і карыстаюцца дзяржаўнымі дотацыямі;

5.3. да 15 снежня 2000 г. зацвердзіць парадак фарміравання і выкарыстання сродкаў стабілізацыйных фондаў, якія ўтвараюцца ў рэспубліканскім бюджэце, бюджэтах абласцей і г.Мінска ў адпаведнасці з гэтым Указам.

6. Нацыянальнаму банку Рэспублікі Беларусь прадугледзець, што крэдыты, якія прадастаўляюцца ў адпаведнасці з пунктам 2 гэтага Указа, з’яўляюцца інвестыцыйнымі і падлягаюць ільгатаванню ва ўстаноўленым заканадаўствам парадку.

7. Кантроль за выкананнем гэтага Указа ўскласці на Камітэт дзяржаўнага кантролю.

8. Гэты Указ набывае моц з дня яго афіцыйнага апублікавання.

Прэзідэнт Рэспублікі Беларусь А.ЛУКАШЭНКА

---

Неабходны пералік дакументаў для ўключэння маладога спецыяліста ў спісы на атрыманне ільготнага крэдыту

згодна з Указам Прэзідэнта Рэспублікі Беларусь ад 27 лістапада 2000 года №631 «Аб дадатковых мерах па павышэнні заработнай платы і прадастаўленні ільготных крэдытаў, асобным катэгорыям работнікаў»

1. Хадайніцтва на імя старшыні Вілейскага раённага выканаўчага камітэта за подпісам кіраўніка прадпрыемства, арганізацыі (аб уключэнні маладога спецыяліста ў спісы райвыканкама на выдзяленне ільготнага крэдыту).
2. Выпіска з Статута прадпрыемства, арганізацыі з указаннем крыніц фінансавання (бюджэт, гаспразлік) вытворчай дзейнасці і аплаты працы работнікаў.
3. Выпіска з загада прадпрыемства, арганізацыі (№1 ад якога чысла) аб прыняцці на працу (з указаннем пасады, даты і назвы навучальнай установы, якая накіравала на працу).
4. Даведка з пастаяннага месца жыхарства бацькоў (сельскі савет – з указаннем усіх членаў сям’і).
5. Даведка аб жыллёвых умовах маладога спецыяліста на дату ўключэння яго ў спісы для атрымання ільготнага крэдыту (пашпарт або сельскі савет).
6. Копія пасведчання (прадпісання) навучальнай установы, якая накіравала маладога спецыяліста на працу па размеркаванні (завяраецца аддзелам кадраў прадпрыемства, арганізацыі).
7. Копія дыплома аб заканчэнні навучальнай установы (завяраецца аддзелам кадраў прадпрыемства, арганізацыі).
8. Копія пасведчання аб нараджэнні (завяраецца аддзелам кадраў прадпрыемства, арганізацыі).
9. Копія пашпарта (асабовы нумар, месца нараджэння, адрас прапіскі) (завяраецца аддзелам кадраў прадпрыемства, арганізацыі).

Дакументы прадастаўляюцца ў двух экзэмплярах.