- Адрас: 222417, Мінская вобл., г. Вілейка, вул. Партызанская, 40
- Рэжым работы: 8.30-17.30 абед 13.00-14.00 (прыём зваротаў ад грамадзян і юрыдычных асоб - з 8:00)
Асноўнымі прычынамі, якія прыводзяць да ўзнікнення пажараў у працэсе эксплуатацыі печнага ацяплення, з’яўляюцца скразныя трэшчыны ў корпусе печы, а таксама ў яе дымаходзе, перакал, размяшчэнне на печы гаручых рэчываў і матэрыялаў, а таксама незабеспячэнне ачысткі дымахода ад сажы.
ПЕЧНАЕ АЦЯПЛЕННЕ
Важны момант у пажарнай бяспецы печаў – гэта рэгулярная прафілактыка. Так, перад пачаткам ацяпляльнага сезона абавязкова неабходна правесці праверку печы і пры неабходнасці адрамантаваць яе.
Пры аглядзе асаблівую ўвагу трэба надаць цэласнасці канструкцыі печы. У выпадку выяўлення трэшчын у кладцы іх неабходна замацаваць спецыялізаванымі герметыкамі або гліняным растворам з дабаўленнем часткі цэменту, а расколатыя цэглы замяніць. Для вызначэння на ранняй стадыі трэшчын дымаход у аб’ёме гарышчавага памяшкання павінен быць атынкаваны
і пабелены. З’яўленне трэшчын у кладцы, а таксама расколатых цэглаў можа стаць прычынай узнікнення пажару. Таму трэба старанна сачыць за іх станам.
Пры наяўнасці перад топкавым праёмам печы, якая працуе на цвёрдым відзе паліва, падлогі з гаручых матэрыялаў павінна быць прадугледжана яго абарона неагаручым матэрыялам (перадтопкавым лістом) памерамі шырынёй не менш за 0,5 метра і даўжынёй не менш за 0,7 метра, які размяшчаецца доўгім яго бокам уздоўж топкавага праёму печы. Размяшчэнне гаручых рэчываў і матэрыялаў на ім не дапускаецца.
Варта адзначыць, што немалаважным этапам у падрыхтоўцы печы да ацяпляльнага сезона з’яўляецца ачыстка дымахода. Інакш у ім будзе збірацца вялікая колькасць сажы, што прывядзе да змяншэння цягі, магчымасці атручвання ўгарным газам, а таксама паўторнага ўзгарання сажы і ў канчатковым выніку можа паслужыць прычынай узнікнення пажару. Да таго ж сам працэс гарэння сажы звязаны з узнікненнем вялікай тэмпературы і ўтварэннем іскраў. Вылятаючы з дымахода, такія іскры будуць ствараць пагрозу бліжэйшым жылым дамам і іншым будынкам.
У выпадку калі Вы не ўпэўнены ў сваіх сілах і ведах у галіне ўтрымання печнага ацяплення, Вам варта звярнуцца ў спецыялізаваныя арганізацыі, спецыялісты якога дапамогуць якасна выканаць работы па праверцы, мантажы, рамонце печы, прачыстцы яе дымавых каналаў і труб.
Коратка нагадаем, што не дапускаецца пры эксплуатацыі печаў:
Варта памятаць, што закрыццё суцэльнай засоўкі дымахода печы дапускаецца толькі пасля поўнага згарання паліва і выдалення вуглёў (попелу). Попел, вуглі і шлак, якія выграбаюцца з топак, павінны быць праліты вадой да іх поўнага затухання.
У адпаведнасці з артыкулам 46 Закона Рэспублікі Беларусь ад 15 чэрвеня 1993 г. № 2403-XII «Аб пажарнай бяспецы» адказнасць за парушэнне заканадаўства аб пажарнай бяспецы ў жылых памяшканнях, капітальных будынках (будынках, збудаваннях) і іншых будынках ускладаецца на іх уласнікаў, а ў выпадку прадастаўлення жылых памяшканняў, капітальных будынкаў (будынкаў, збудаванняў) і іншых будынкаў па дагаворы найму (арэнды, субаранды, фінансавай арэнды (лізінгу), бязвыплатнага карыстання) – у адпаведнасці з дагаворам, калі іншае не прадугледжана заканадаўствам. Асобы, якія парушаюць або не выконваюць патрабаванні заканадаўства аб пажарнай бяспецы, а таксама асобы, вінаватыя ва ўзнікненні пажараў, нясуць дысцыплінарную, матэрыяльную, адміністрацыйную і крымінальную адказнасць у адпаведнасці з заканадаўствам.
Бяспечныя адлегласці да гаручых матэрыялаў і канструкцый, устаноўленыя тэхнічнымі нарматыўнымі прававымі актамі, а таксама нарміруемыя памеры канструктыўных элементаў печаў
ВАЖНАСЦЬ УСТАНОЎКІ АПІ
Эфектыўным сродкам ранняга выяўлення і апавяшчэння аб пажары з’яўляецца аўтаномны пажарны апавяшчальнік.
Дзякуючы спрацоўванню АПІ за 8 месяцаў 2025 года выратавана 36 чалавек, у тым ліку 6 дзяцей (усяго з 2002 г. – 2768 чалавек).
Аўтаномны пажарны апавяшчальнік, які па меркаванні МНС павінен знаходзіцца ў кожнага дома, па сутнасці, выконвае функцыі сістэмы пажарнай сігналізацыі і сістэмы апавяшчэння і кіравання эвакуацыі.
АПІ з’яўляецца самастойнай прыладай (таму і называецца АЎТАНОМНЫМ), якое забяспечвае выяўленне пажару і падачу гукавога сігналу аб ім (па сутнасці выконвае функцыі гукавога апавяшчальніка). Такі набор функцый АПІ дазваляе забяспечыць бяспеку жыцця і здароўя людзей грамадзян у жылым фондзе.
АПІ не патрабуе яго падключэння да сістэмы пажарнай сігналізацыі (пажарнай аўтаматыкі). Устаноўка АПІ простая (дастаткова некалькіх саманарэзных вінтоў) і не патрабуе якіх-небудзь дазвольных дакументаў (ліцэнзіі).
ЭКСПЛУАТАЦЫІ ЦЕПЛАГЕНЕРЫРУЮЧЫХ АПАРАТАЎ НА СУБ’ЕКТАХ ГАСПАДАРАННЯ
Не рэдкія выпадкі пажараў, якія адбыліся на аб’ектах суб’ектаў гаспадарання па прычыне парушэння правілаў эксплуатацыі цеплагенерыруючых апаратаў і цеплаёмістых печаў.
Да цеплагенерыруючых апаратаў адносяцца апараты, прызначаныя для непасрэднага атрымання нагрэтага цепланосьбіта ў выніку фізіка-хімічных працэсаў (каміны, каларыферы, воданагравальнікі, цеплагенератары, іншыя апараты
і прылады, якія працуюць на газападобным, вадкім, цвёрдым або змяшаным відзе паліва, электрычнай энергіі і служаць для ацяплення, прыгатавання ежы, нагрэву вады, цепланосьбітаў, сушкі памяшканняў і сельгаспрадукцыі або іншых мэтаў).
МНС нагадвае, што ў адпаведнасці з патрабаваннямі пажарнай бяспекі да эксплуатацыі дапускаюцца цеплагенерыруючыя апараты толькі прамысловага (заводскага) вырабу.
Пры эксплуатацыі цеплагенерыруючых апаратаў неабходна выконваць пэўныя патрабаванні.
Так, напрыклад па аналогіі з печным ацяпленнем участок падлогі з гаручых матэрыялаў перад топкавай адтулінай таксама павінен быць абаронены неагаручым матэрыялам (перадтопкавым лістом).
Мінімальныя адлегласці ад паверхняў цеплагенерыруючых апаратаў да гаручых рэчываў і матэрыялаў павінны адпавядаць значэнням, указаным у эксплуатацыйнай дакументацыі на іх. Пры адсутнасці даных значэнняў у эксплуатацыйнай дакументацыі павінна быць забяспечана адлегласць, якая выключае загаранне гаручых рэчываў і матэрыялаў.
Топка цеплагенерыруючых апаратаў, якія працуюць на цвёрдым відзе паліва павінна спыняцца не пазней чым за 2 гадзіны да заканчэння работы аб’екта, на аб’ектах з кругласутачным знаходжаннем людзей – за 2 гадзіны да адыходу тых, хто пражывае, да сну згодна з распарадкам дня.
Дымавыя трубы павінны быць выкананы ў адпаведнасці з патрабаваннямі тэхнічных нарматыўных прававых актаў, праектнай, тэхнічнай і эксплуатацыйнай дакументацыяй на іх.
Важным момантам з’яўляецца тое, што работнікі, якія ажыццяўляюць эксплуатацыю цеплагенерыруючых апаратаў абавязаны прайсці падрыхтоўку па праграме пажарна-тэхнічнага мінімуму. Падрыхтоўка праводзіцца не пазней за адзін месяц пасля прыёму на работу і далей не радзей за адзін раз у 3 гады.
Работнікам, якія ажыццяўляюць эксплуатацыю цеплагенерыруючых апаратаў, не дапускаецца:
Пэўныя асаблівасці маюцца пры эксплуатацыі цеплагенерыруючых апаратаў, якія працуюць на вадкім або газападобным відзе паліва:
Немалаважным з’яўляецца пытанне ўтрымання ў ацяпляльны перыяд сістэм вонкавага супрацьпажарнага водазабеспячэння, да якіх адносяцца пажарныя вадаёмы (рэзервуары), воданапорныя вежы і пажарныя гідраны. З боку кіраўніка і адказных службовых асоб арганізацый павінны быць прыняты меры па своечасовай праверцы стану супрацьпажарнага водазабеспячэння з абавязковым складаннем акта, у тым ліку, з мэтай забеспячэння магчымасці іх прымянення ў любую пару года. Так як, напрыклад, асноўная прыкмета зімовага часу ў ацяпляльны перыяд – устойлівая нізкая тэмпература і галалёдзіца. Таму ў пажарных вадаёмаў (рэзервуараў) павінны быць спраўныя адхілы, пад’язныя шляхі і пляцоўкі для ўстаноўкі пажарных аварыйна-выратавальных аўтамабіляў, воданапорныя вежы павінны быць уцеплены ў зімовы перыяд, калодзежы пажарных гідранаў не павінны быць затапляемыя, засыпаныя глебай або іншымі староннімі прадметамі.
У дапамогу кіраўнікам суб’ектаў гаспадарання для стварэння эфектыўнай сістэмы супрацьпажарнага рэжыму і арганізацыі мерапрыемстваў па забеспячэнні пажарнай бяспекі работнікамі МНС распрацавана практычны дапаможнік «Забеспячэнне пажарнай бяспекі на аб’ектах суб’ектаў гаспадарання», азнаёміцца са зместам якога можна на афіцыйным сайце МНС у глабальнай камп’ютарнай сетцы Інтэрнэт у раздзеле «Арганізацыям і ІП», «Кіраўніку аб пажарнай бяспецы».
У завяршэнні адзначым, што выкананне гэтых простых і не патрабуючых вялікіх фінансавых затрат патрабаванняў дазволіць максімальна знізіць верагоднасць узнікнення пажараў, захаваць жыццё і здароўе грамадзян.