Прафілактычная акцыя «Хуткасць»

З мэтай прыняцця папераджальных мер, накіраваных на прафілактыку дарожна-транспартнага траўматызму па прычыне перавышэння ўстаноўленай хуткасці руху кіроўцамі транспартных сродкаў, у перыяд з 10 па 13 верасня 2026 года на тэрыторыі Вілейскага раёна праводзіцца прафілактычная акцыя «Хуткасць».

Падчас правядзення акцыі супрацоўнікі ДАІ ўзмацняць нагляд за дарожным рухам (у тым ліку шляхам правядзення спецыяльных рэйдавых мерапрыемстваў з выкарыстаннем аўтамабіляў без спецыяльнай колераграфічнай афарбоўкі) на патэнцыйна небяспечных участках аўтамабільных дарог і вуліц, схільных да найбольшай рызыкі здзяйснення дарожна-транспартных здарэнняў па прычыне перавышэння хуткасці руху, на якіх ёсць неабходнасць кантролю супрацоўнікамі ДПС хуткасных рэжымаў руху з выкарыстаннем вымяральнікаў хуткасці.

Нагадаем адказнасць за парушэнне хуткасных рэжымаў.

Згодна з ч. 1 арт. 18.12 КоАП Рэспублікі Беларусь, перавышэнне асобай, якая кіруе транспартным сродкам, устаноўленай хуткасці руху ад дзесяці да дваццаці кіламетраў у гадзіну –цягне за сабой накладанне штрафу ў памеры да 1 базавай велічыні;

– ч. 2 арт.18.12 – перавышэнне асобай, якая кіруе транспартным сродкам, устаноўленай хуткасці руху ад 20 да 30 кіламетраў
у гадзіну – штраф у памеры ад 1 да 3 базавых велічынь;

– ч. 3 арт.18.12 – перавышэнне асобай, якая кіруе транспартным сродкам, устаноўленай хуткасці руху ад 30 да 40 кіламетраў
у гадзіну – штраф у памеры ад 3 да 10 базавых велічынь;

– ч. 4 арт.18.12 – перавышэнне асобай, якая кіруе транспартным сродкам, устаноўленай хуткасці руху на 40 і больш кіламетраў
у гадзіну – штраф у памеры ад 8 да 12 базавых велічынь;

– ч. 5 арт.18.12 – дзеянні, прадугледжаныя часткамі 2-4 гэтага артыкула, здзейсненыя паўторна на працягу аднаго года пасля накладання адміністрацыйнага спагнання за такія ж парушэнні – штраф у памеры ад 5 да 15 базавых велічынь або пазбаўленне права займацца пэўнай дзейнасцю тэрмінам да 1 года.