Ацяпляльны сезон: рызыка пажараў павялічваецца

Як толькі пачынаюцца першыя замаразкі, колькасць пажараў у жылым сектары павялічваецца. Да гэтага прыводзяць адразу некалькі фактараў: і узрослая нагрузка на электрапрыборы, і небяспечнае выкарыстанне печаў і, вядома, курэнне – не кожны захоча выходзіць з цыгарэтай на халодную вуліцу.

 Добры гаспадар дома абавязкова падрыхтуе печ да ацяпляльнага сезона. Праверце, ці не забыліся вы гэтыя простыя правілы:

• перад дзверцамі топкі павінен быць прыбіты металічны перадтопкавы ліст памерам не менш за 70х50 сантыметраў: калі выскачыць вугалок, то ён проста патухне на неагаручым матэрыяле.
• перад пачаткам выкарыстання печы, яе неабходна пабяліць, бо дробныя пашкоджанні – лазейкі для адкрытага полымя, а пабелены дымаход заўсёды ўкажа на такую трэшчынку чорнай сажай.

Каб пазбегнуць бяды, заўсёды выконвайце правілы пажарнай бяспекі – не пакідайце абагравальнік без нагляду, стаўце яго далей ад мэблі і фіранак. Перыядычна ачышчайце прыбор ад пылу, не сушыце на ім рэчы. Не выкарыстоўвайце самаробныя прылады і самастойна не рамантуйце няспраўныя – даверце справу спецыялістам. 
Сачыце за тым, каб вілкі і разеткі не награваліся – гэта першая прыкмета паломкі прыбора або перагрузкі сеткі. І не забывайце выключаць усю тэхніку, выходзячы з дома. Акрамя, хіба што, халадзільніка.

Пабудзьцеся ад звычкі курыць у ложку, асабліва пры ўжыванні спіртнога. У стане алкагольнага ап’янення прытупляецца пачуццё небяспекі, і людзі рызыкуюць стаць пагарэльцамі з-за ўласнай неасцярожнасці з агнём. Прычым нярэдкія такія выпадкі, калі курыць адзін член сям’і, а ў агні гінуць усе.

Рызыку гібелі на пажары на 80% зніжае ўстаноўка аўтаномнага пажарнага апавяшчальніка (АПІ). Гэты прыбор гучным гукавым сігналам паведамляе аб з’яўленні задымлення і можа прадухіліць бяду.