Прафілактычная акцыя «Бяспечны абгон!»

Нярэдка прычынамі дарожна-транспартных здарэнняў з’яўляюцца парушэнне правілаў абгону і выезд на паласу сустрэчнага руху, што цягне за сабой значную цяжкасць наступстваў.

З мэтай прафілактыкі аварыйнасці і стабілізацыі дарожнай абстаноўкі ў перыяд з 15 па 18 верасня г.г. Дзяржаўтаінспекцыя Вілейскага РАУС праводзіць прафілактычную акцыю «Бяспечны абгон!».

ДАІ нагадвае! Адміністрацыйная адказнасць па ч. 9 арт.18.13 КоАП Рэспублікі Беларусь, за парушэнне асобай, якая кіруе транспартным сродкам, правілаў абгону альбо выезд на паласу сустрэчнага руху ў выпадках, калі гэта забаронена правіламі дарожнага руху, цягнуць накладанне штрафу ў памеры ад 2 да 10 б. в. з пазбаўленнем права кіравання транспартнымі сродкамі тэрмінам да 1 года або без пазбаўлення.

Абгон – самы складаны і небяспечны від манеўру, які патрабуе ад кіроўцы дакладнага разліку і дастатковых навыкаў кіравання аўтамабілем. Шаноўныя кіроўцы, як бы вы не спяшаліся, ні ў якім разе нельга здзяйсняць абгон з правага боку па ўзбочыне, нават калі яна свабодная ад машын і людзей і добра праглядаецца. Вельмі часта ямы, выбоіны і староннія прадметы становяцца прычынай змянення напрамку руху, сутыкнення з аўтамабілем, які абганяецца, і «выцісканнем» яго на паласу сустрэчнага руху. Таксама лепш адмовіцца ад абгону ў цёмны час сутак, калі няма ў гэтым неабходнасці. Не рызыкуйце ісці на абгон, калі абмежаваная бачнасць, напрыклад, з-за ўздыму. Варта таксама памятаць, што пры абгоне або сустрэчным раз’ездзе пры неспрыяльных пагодных умовах у выглядзе дажджу за транспартным сродкам утвараецца шлейф воднай пылу з граззю, якая асядаючы на лабавым шкле, пагаршае бачнасць і некалькі секунд даводзіцца рухацца «усляпую». Рызыкоўна абганяць у месцах, дзе магчыма з’яўленне пешаходаў. А калі разам з вамі ў машыне знаходзіцца дзіця, то лепш не здзяйсняць дадзены манеўр. 

Дарожны знак 3.20.1. «Абгон забаронены» і «суцэльная» лінія разметкі прысутнічаюць на дарозе нездарма і гавораць аб небяспецы здзяйснення абгону!

Таму рэкамендуем кіроўцам пры руху правільна ацэньваць абстаноўку, выбіраць бяспечную хуткасць, пастаянна праяўляць асцярожнасць і павышаную ўвагу за рулём.

Шаноўныя кіроўцы! Абдумвайце кожны свой манеўр, і перш чым здзяйсняць абгон – неаднаразова пераканайцеся ў яго бяспецы.

Памятайце! Няправільны абгон можа стаць прычынай трагедыі!

АДАІ Вілейскага РАУС