МНС працягвае інфармацыйную кампанію: «Дзеці – не дарослыя! Не пакідайце іх адных!

Міністэрства па надзвычайных сітуацыях Рэспублікі Беларусь працягвае інфармацыйную кампанію, накіраваную на прадухіленне трагедый, звязаных з пакіданнем дзяцей без нагляду.

Лозунг кампаніі: «Дзеці – не дарослыя! Не пакідайце іх адных!» Чаму гэта важна? Штогод у рэспубліцы фіксуюцца выпадкі, калі дзеці, пакінутыя без нагляду, становяцца ахвярамі: пажараў, атручванняў, траўмаў і іншых надзвычайных сітуацый.

МНС заклікае бацькоў і апекуноў – ніколі не пакідайце дзяцей адных дома, асабліва калі ў памяшканні ёсць:

– уключаныя электрапрыборы;

– адкрытыя вокны;

– іншыя крыніцы небяспекі.

Тлумачце дзецям правілы бяспекі і вучыце іх, як паводзіць сябе ў НС. Пераканайцеся, што дзеці ведаюць, як выклікаць ратавальнікаў па нумарах 101 або 112. Памятайце: бяспека вашых дзяцей – у вашых руках! Не пакідайце іх без нагляду, нават на кароткі час.