Прывітанне старшыні

Дарагія віляйчане і госці нашага рэгіёна!

Рад вітаць Вас на афіцыйным сайце Вілейскага раённага выканаўчага камітэта.

Мэта стварэння сайта – забеспячэнне інфармацыйнай адкрытасці органаў мясцовага кіравання і самакіравання, дакладнасці і даступнасці інфармацыі для насельніцтва аб кіраўніцтве і службах рэгіёна, фарміраванне станоўчага іміджу рэгіёна і яго інвестыцыйнай прывабнасці.

Флагманамі прамысловасці рэгіёна з’яўляюцца такія буйныя прамысловыя прадпрыемствы як ААТ «Зеніт-БелОМО», ААТ «Стройдеталі», «Вілейскі камбікормавы завод», «Вілейскі рамонтны завод». Вілейскі рэгіён з’яўляецца адным з экалагічна спрыяльных рэгіёнаў, а Вілейскае вадасховішча самы вялікі штучны вадаём у Беларусі.

Галоўны патэнцыял Вілейшчыны заключаецца ў эфектыўным выкарыстанні наяўных унікальных прыродных рэсурсаў (вадасховішча, лясы, рэкі, запасы рыбы, чыстае паветра) і развіцці інфраструктуры турызму і спадарожных паслуг.

Вілейшчына – край жывіцельнай энергіі і новых магчымасцей!

Важным у развіцці рэгіёна з’яўляецца сельскагаспадарчы комплекс, які складаюць сельскагаспадарчыя арганізацыі. Лідарамі ў развіцці сельскай гаспадаркі з’яўляюцца ААТ «Нарачанскія зоры», сельскагаспадарчы філіял «Бубны» РУП «Мінгаз», ААТ «Новая Любанія», ААТ «Далгінава», ААТ «Новая Вілія».

Стабільна працуюць і дынамічна развіваюцца ўсе ўстановы сацыяльнай сферы. Сацыяльная абарона насельніцтва раёна – адзін з галоўных напрамкаў дзейнасці органаў мясцовага самакіравання.

Жыхары Вілейскага рэгіёна адрозніваюцца сваёй гасціннасцю і жыццёвым аптымізмам. Сумесныя намаганні ўсіх жыхароў, іх праца даюць магчымасць рухацца далей і разам рабіць усё на карысць і росквіт нашага рэгіёна і яго жыхароў. Запрашаю Вас усіх наведаць наш прыгожы і маляўнічы край.

Перспектывы развіцця і інвеставання маюцца і ў сферы прадпрымальніцтва і ў малым бізнесе. Мы гатовы прапанаваць патэнцыяльным інвестарам цэлы шэраг цікавых ідэй і ўзаемавыгадных прапаноў.

Наш галоўны прыярытэт – павышэнне ўзроўню жыцця віляйчан, прыцягненне інвестыцый у эканоміку рэгіёна, развіццё адукацыі і культуры.

Мы рады ўсім гасцям нашага сайта, адкажам на пытанні, якія вас цікавяць, і заўсёды гатовы да прадуктыўнага дыялогу і канструктыўнага супрацоўніцтва.

Спадзяюся, што інфармацыя, размешчаная на сайце, стане карысная ўсім наведвальнікам, каму неабыякавы лёс нашага рэгіёна, хто шчыра зацікаўлены ў яго далейшым развіцці і росквіце.

З павагай, старшыня Вілейскага раённага выканаўчага камітэта Анатоль Мікалаевіч Завацкі.